خاص: هل استُنسِخَت لعبة نقولا الإسطا؟ وكيف علّق طرفا النزاع عبر kataeb.org؟

انتقد الشاعر نعمان الترس عبر صفحته الرسمية بموقع التواصل الاجتماعي فايسبوك، اغنية "بتعرف ليش" للفنان سعد رمضان التي صدرت مؤخرًا من كلمات الشاعر علي المولى، باعتباره ان موضوعها مستنسخ من اغنية "لعبة صدا" التي كتبها للفنان نقولا الاسطا وصدرت عام 2016.

فقال الترس: "بالعاده بترك ورايي وما بعلّق عا سرقه من هون وسرقه من هونيك… وبفتّش عن امكانية التوارد أكتر… وانا بـ طبيعتي مش سريع للاتهام وللشك الحمدلله… بس يللّي اليوم صادفني كان عم يمنعني بشكل كبير من التطنيش أو من انّي اعطي مجال هالقد كبير للتوارد… من أهم الأشعار يللّي كتبتا بيـ مسيرتي لليوم رباعيّه تحت عنوان "لعبة صدا" اليوم استنسخت وصارت ڤيديو كليپ وماضي تحتا شاعر تاني…

وأضاف: "يللّي صار هُوّي استنساخ مطلع غنيّه للمطرب سعد رمضان من كتابة الشاعر علي المولى صدرت من يومين عن مطلع غنيّه من تأليفي للمطرب نقولا الاسطا صدرت سنة ٢٠١٦…ولازم انشر واشرح ووضّح :

المطلع يللّي ألّفتو وتغنّا بيـ سنة ٢٠١٦ :

وطّيت صوتي بـ كلمة بحبّك أكيد

مش لأنّي بخاف يسمعني حدا

ما بتعرفي إنّو الصدا بيرجع يعيد

وما بريد غيري يقولها حتّا الصدا

المطلع يللّي ألّفو الشاعر علي المولى وتغنّا من يومين بيـ ١-٣-٢٠١٨ :

بتعرف ليش بْوَطّي صوتي وبقول بحبّك عالهَدا

لأنّو بخاف هيدي الكلمه يقولا ورايي الصَدا".

بدوره استنكر الفنان نقولا الاسطا في اتصال مع kataeb.org، استنساخ موضوع اغنيته "لعبة صدا" بالطريقة التي حصلت "وعلى عينك يا تاجر"، مطالبا بتوضيح ملابسات القضية من اصحاب العلاقة مباشرة أي الكاتب، حرصًا على مصداقيته لاسيما انه صاحب اعمال ناجحة ومميزة.

اما المولى فرفض عبر kataeb.org، الإدلاء بأي تصريح صحافي حول هذا الموضوع، مكتفيًا بالقول: "عندما أنوي الردّ، سأفعل ذلك عبر صفحاتي الرسمية على مواقع التواصل الاجتماعي".

إشارة الى انه بامكانكم الاستماع الى الأغنيتين عبر الرابطين التاليين:

https://www.youtube.com/watch?v=cQyA4D8GPDQ

https://www.youtube.com/watch?v=KLKEDX6N8vY

المصدر: Kataeb.org

الكاتب: طوني هيكل

الإثنين ۰۵ / ۰٣ / ۲۰۱۸
للمزيد من المعلومات يرجى العودة إلى المصدر : Kataeb - 4391 views
 
Copyright © 2012 Lebanese Info All rights reserved.
Swiss Made - A realization by THALES IT